ಮಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಅವರು ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆಯವರನ್ನು ರಾಜ್ಯಸಭೆಗೆ ನಾಮನಿರ್ದೇಶನಗೊಳಿಸಿದ ಹಿನ್ನಲೆಯಲ್ಲಿ ಯಕ್ಷಧ್ರುವ ಪಟ್ಲ ಫೌಂಡೇಶನ್ನ ಸ್ಥಾಪಕಾಧ್ಯಕ್ಷ ಪಟ್ಲ ಸತೀಶ್ ಶೆಟ್ಟಿ ಮತ್ರು ಕೇಂದ್ರೀಯ ಘಟಕದ ಪದಾಧಿಕಾರಿಗಳು ಹೆಗ್ಗಡೆಯವರ ನಿವಾಸದಲ್ಲಿ (ಬೀಡು) ಭೇಟಿ ಮಾಡಿ ಗೌರವ ಸಲ್ಲಿಸಿದರು.
ಡಾ. ಹೆಗ್ಗಡೆಯವರು ಪಟ್ಲ ಫೌಂಡೇಶನ್ ನ ಪ್ರಗತಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಅಭಿನಂದನೆಗೆ ಹರ್ಷ ವ್ಯಕ್ತ ಪಡಿಸಿದರು.
![](https://blogger.googleusercontent.com/img/b/R29vZ2xl/AVvXsEiebwniDNifMDmSjf-TNKiC9Qpa0gASSfbiGqX-qo5Adx11k_qjy7s4_j-Lb1GHR05z1MdlxjnJ9y9UQFnlRZy9XjapG4ztbj0Xq-uVzRmHzy2eq84N_BxheHTfazrqbnRTwIJPkhnzqfC2AEdH2gYLtVsJJcbxgpHmaSslWDJkVqeYZBG62ZVY5Zkmvw/s16000/IMG_20220712_111909_copy_640x427.jpg)
![](https://blogger.googleusercontent.com/img/b/R29vZ2xl/AVvXsEh4gNQiornST-GGdOuRxiaTNVNjZS2WS0k8oByTr8SQL677JUveycszHrsUatXJKhj1YFlodIb-AK2ncw5iJrHdV2fdQ9rmSc4sXJ6Sk3GF3TEDQDk0LBxXYOGdXGSlzt1yKKNrPHaNpLrkievRhCfiuUWEcAFzAMTw2Y1GdsGV44D9QVD2yQS18N2cew/s16000/IMG_20220712_111823_copy_640x427.jpg)
![](https://blogger.googleusercontent.com/img/b/R29vZ2xl/AVvXsEh3V1UfJFXwoeD4X-uocj1PpUYM3BCa_F2507H8piEn_ZUfcQy7W_VrFBwq1MBcEQh0zkAr0wUYtMWZnKhfc-y6JUL9w4tVPXWUuD08MeFK5Szz4pX_mdfAltvNdzO-jjjwKZhxyo-SfhLxC-YQW3DePuqmk8k-urWRghktF-o8eBRKnJylykUrsUC8iA/s16000/IMG_20220712_111845_copy_640x448.jpg)
![](https://blogger.googleusercontent.com/img/b/R29vZ2xl/AVvXsEjvsLf7gaV0eoTSPiORyZ3tWygpkqVXJyyHHHTDQo05WtTXyw24LAuiPkbx7lQlv6CyYS5OX2as5TNQyCX9R6x4fzhAq8QQRkutywx5OpIMku0zhEKhPHNB94sxzmTDM80CIIlBzxAPqrzOC3gfE6S7dla4F51fkjZctkORRwe5GHaAQZz0LTRNKdg0sQ/s16000/IMG_20220712_111909_copy_640x427.jpg)
ಸದಾ ಸಮಾಜಮುಖಿ ಸೇವಾ ಕಾರ್ಯಗಳ ಮೂಲಕ ಗಮನ ಸೆಳೆದಿರುವ ಹೆಗ್ಗಡೆ ಅವರನ್ನು ದೇಶದ ಪ್ರಧಾನಿ ನರೇಂದ್ರ ಮೋದಿ ಗುರುತಿಸಿ ರಾಜ್ಯಸಭಾ ಸದಸ್ಯರನ್ನಾಗಿ ಮಾಡಿರುವುದು ಅಭಿನಂದನಾರ್ಹ. ಧರ್ಮ ಸಮನ್ವಯತೆಗೆ ಹೆಗ್ಗಡೆ ಅವರ ಕೊಡುಗೆ ಮಹತ್ತರವಾದದು. ಅವರನ್ನು ರಾಜ್ಯಸಭಾ ಸದಸ್ಯರನ್ನಾಗಿ ನಾಮಕರಣ ಮಾಡಿರುವುದು ಸಮಾಜಕ್ಕೆ ಹೆಮ್ಮೆ ಹಾಗೂ ಸಂಭ್ರಮದ ವಿಚಾರವಾಗಿದೆ ಎಂದು ಪಟ್ಲ ಸತೀಶ್ ಶೆಟ್ಟಿ ಹೇಳಿದರು.
ಈ ಸಂದರ್ಭದಲ್ಲಿ ಕೇಂದ್ರೀಯ ಘಟಕದ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಜೊತೆ ಕಾರ್ಯದರ್ಶಿ ರವಿಚಂದ್ರ ಶೆಟ್ಟಿ ಅಶೋಕ ನಗರ, ಸಂಘಟನಾ ಕಾರ್ಯದರ್ಶಿ ಬಾಳ ಜಗನ್ನಾಥ ಶೆಟ್ಟಿ, ಮಂಗಳೂರು ಘಟಕದ ಅಧ್ಯಕ್ಷ ಪ್ರದೀಪ್ ಆಳ್ವ ಕದ್ರಿ, ಡಾ. ಪ್ರಖ್ಯಾತ್ ಶೆಟ್ಟಿ, ಅಶ್ವಿತ್ ಶೆಟ್ಟಿ ಮೊದಲಾದವರು ಉಪಸ್ಥಿತರಿದ್ದರು.