BUNTS
NEWS,ಮೂಡುಬಿದಿರೆ: ತನ್ನ
ಗಂಡನ ಮನೆಯವರ ವರದಕ್ಷಿಣೆ ಕಿರುಕುಳದಿಂದ ನೊಂದ ಪದವೀಧರೆ ಸ್ವಾತಿ.ಆರ್ ಶೆಟ್ಟಿ ವಿಷ ಸೇವಿಸಿ ಆತ್ಮಹತ್ಯೆ
ಮಾಡಿಕೊಂಡ ಘಟನೆ ಶುಕ್ರವಾರ ನಡೆದಿದೆ. ಈ ಘಟನೆಯಿಂದ ವರದಕ್ಷಿಣೆ ಪಿಡುಗು ಬಂಟ ಸಮಾಜದಲ್ಲಿ ಇನ್ನೂ
ಜೀವಂತವಾಗಿರುವುದು ಸಾಬೀತಾಗಿದೆ.
ಘಟನೆಯ
ಹಿನ್ನೆಲೆ: 2014ರಲ್ಲಿ ಬೆಳ್ತಂಗಡಿಯ ಸ್ವಾತಿ ಶೆಟ್ಟಿ (25) ಅವರು ಮೂಡುಬಿದಿರೆ ಮೂಡುಮಾರ್ನಾಡಿನ ಬೋಜ ಶೆಟ್ಟಿ ಅವರ ಪುತ್ರ ಶರತ್ಚಂದ್ರ ಎಂಬವರೊಂದಿಗೆ ವಿವಾಹವಾಗಿತ್ತು. ಮದುವೆಯ
ಸಂದರ್ಭ 5 ಲಕ್ಷ ವರದಕ್ಷಿಣೆ ಹಾಗೂ 30 ಪವನ್ ಚಿನ್ನವನ್ನು ನೀಡಲಾಗಿತ್ತು. ಮದುವೆಯದ ನಂತರ ಸ್ವಾತಿ
ಗಂಡ ಶರತ್ಚಂದ್ರ ಕೆಲಸದ ನಿಮಿತ್ತ ವಿದೇಶಕ್ಕೆ ತೆರಳಿದ್ದರು. ನಂತರದ ದಿನಗಳಲ್ಲಿ ಗಂಡನ ಮನೆಯವರು ಆಕೆಗೆ
ವರದಕ್ಷಿಣೆ ಕಿರುಕುಳ ನೀಡುತ್ತಿದ್ದರು ಎನ್ನಲಾಗಿದ್ದು ತನ್ನ ತಾಯಿಯಲ್ಲೂ ಈ ಬಗ್ಗೆ ಸ್ವಾತಿ ಹೇಳಿಕೊಂಡಿದ್ದಾರೆ.
ಈ ಘಟನೆಯಿಂದಾಗಿ ಬಂಟ ಸಮಾಜದಲ್ಲಿ
ಇನ್ನೂ ಕೂಡ ವರದಕ್ಷಿಣೆ ಪಿಡುಗು ಜೀವಂತವಾಗಿರುವುದು ಸಾಬೀತಾಗಿದ್ದು ತಲೆ ತಗ್ಗಿಸುಂತಾಗಿದೆ. ಈ ಬಗ್ಗೆ
ಜಾಗೃತಿ ಮೂಡಿಸುವ ಕಾರ್ಯ ಬಂಟ ಸಂಘಗಳ ಮೂಲಕ ಆಗಬೇಕಾಗಿದೆ.
