ದುಬೈ: ಅಬುದಾಭಿಯ ಕರ್ನಾಟಕ ಸಂಘದ ವತಿಯಿಂದ
64ನೇ ವರ್ಷದ ಕರ್ನಾಟಕ ರಾಜ್ಯೋತ್ಸವವು
ನ.1ರಂದು ಅಬುದಾಭಿಯ ಇಂಡಿಯನ್ ಸೋಶಿಯಲ್ ಕಲ್ಚರಲ್
ಸೆಂಟರಿನ ಸಭಾಂಗಣದಲ್ಲಿ ದಿನವಿಡಿ ವಿಜೃಂಬಣೆಯಿಂದ ಜರಗಲಿದೆ.
ಕಾರ್ಯಕ್ರಮದ
ಅಧ್ಯಕ್ಷತೆಯನ್ನು ಯುಎಇಯ ಮಹಾಪೋಷಕರಾದ ಪದ್ಮಶ್ರೀ
ಡಾ. ಬಿ. ಆರ್ ಶೆಟ್ಟಿ
ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಕರ್ನಾಟಕದ
ಸಿಂಗಂ ಖ್ಯಾತಿಯ ಅಣ್ಣಮಲೈ ಹಾಗೂ
ಸುಮಾ ರಾಜಕುಮಾರ್ ಭಾಗವಹಿಸಲಿದ್ದಾರೆ. 2019 ಸಾಲಿನ ದಾ. ರಾ
ಬೇಂದ್ರೆ ಪ್ರಶಸ್ತಿ ಪುರಸ್ಕಾರವನ್ನು ಕನ್ನಡ ಭಾಷೆ ಪತ್ರಿಕಾರಂಗ
ಸಾಹಿತ್ಯದ ಸೇವೆಗಾಗಿ ಮನೋಹರ್ ತೋನ್ಸೆಯವರಿಗೆ ನೀಡಲಾಗುವುದು.
ಅಲ್ಲದೆ ದಿನವಿಡಿ ಕನ್ನಡ ಪರ ಕಾರ್ಯಕ್ರಮಗಳು ವೇದಿಕೆಯಲ್ಲಿ
ಜರಗಲಿರುವುದೆಂದು ಸಂಘದ ಅಧ್ಯಕ್ಷರಾದ ಸರ್ವೊತ್ತಮ
ಶೆಟ್ಟಿಯವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
[ವರದಿ: ವಿಜಯಕುಮಾರ್ ಶೆಟ್ಟಿ ಮಜಿಬೈಲ್]
