BUNTS NEWS, ಮಂಗಳೂರು: ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ವತಿಯಿಂದ 18 ವೈದ್ಯಕೀಯ,
7 ಬಡ ಹೆಣ್ಮಕ್ಕಳ ವಿವಾಹ ಹಾಗೂ ಒರ್ವ ಕ್ರೀಡಾಪಟುವಿಗೆ ಸುಮಾರು 6 ಲಕ್ಷದ 35 ಸಾವಿರ ರೂ. ಆರ್ಥಿಕ
ಸಹಾಯಧನ ವಿತರಿಸಿತು.
ಬಂಟ್ಸ್ ಹಾಸ್ಟೆಲ್’ನಲ್ಲಿರುವ
ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ
ಅಧ್ಯಕ್ಷ ಐಕಳ ಹರೀಶ್ ಶೆಟ್ಟಿ ಅವರು ಒಕ್ಕೂಟಕ್ಕೆ ಆರ್ಥಿಕ ಸಹಾಯವನ್ನು ಕೋರಿದ
ಅರ್ಜಿಗಳನ್ನು ವಿಲೇವಾರಿಗೊಳಿಸಿ ಅದರಂತೆ 18 ಮಂದಿ ವೈದ್ಯಕೀಯ, 7 ಮಂದಿ
ವಿವಾಹ ಅಪೇಕ್ಷಿತ ಹೆಣ್ಣುಮಕ್ಕಳ ಕುಟುಂಬಕ್ಕೆ ಹಾಗೂ ಓರ್ವ ಕ್ರೀಡಾಳುವಿಗೆ
ಆರ್ಥಿಕ ಸಹಾಯದ ಚೆಕ್’ಗಳನ್ನು (ಒಟ್ಟು
ಮೊತ್ತ ರೂ. 6,35,000)ವಿತರಿಸಿದರು.
ಈ ಸಂದರ್ಭ ಒಕ್ಕೂಟದ ಕಾರ್ಯದರ್ಶಿ
ವಿಜಯ ಪ್ರಸಾದ್ ಆಳ್ವ, ಕೋಶಾಧಿಕಾರಿ
ಕೊಲ್ಲಾಡಿ ಬಾಲಕೃಷ್ಣ ರೈ, ಒಕ್ಕೂಟದ ನಿರ್ದೇಶಕ
ವಿಶ್ವನಾಥ್ ಶೆಟ್ಟಿ ಕರ್ನಿರೆ, ಒಕ್ಕೂಟದ
ಪ್ರತಿನಿಧಿ ಸದಸ್ಯ ಚಂದ್ರಶೇಖರ ಹೆಗ್ಡೆ,
ಆಡಳಿತಾಧಿಕಾರಿ ಸಚ್ಚಿದಾನಂದ ಹೆಗ್ಡೆ ಕೊಳ್ಕೆಬೈಲ್, ಅರವಿಂದ್
ರೈ, ಹೇಮಂತ್ ಶೆಟ್ಟಿ, ಒಕ್ಕೂಟದ
ಸಿಬ್ಬಂದಿವರ್ಗದವರು ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.
