ಗೃಹರಕ್ಷಕರನ್ನು ಗುರುತಿಸಿ, ಗೌರವಿಸಿ : ಡಾl ಮುರಲೀ ಮೋಹನ್ ಚೂಂತಾರು - BUNTS NEWS WORLD

ಗೃಹರಕ್ಷಕರನ್ನು ಗುರುತಿಸಿ, ಗೌರವಿಸಿ : ಡಾl ಮುರಲೀ ಮೋಹನ್ ಚೂಂತಾರು

Share This
ಮಂಗಳೂರು: ಸುರತ್ಕಲ್ ಗೃಹರಕ್ಷಕದಳ ಘಟಕದ ಗೃಹರಕ್ಷಕರ ಕುಂದು ಕೊರತೆ ಸಭೆ, ಗೃಹರಕ್ಷಕ ದಳದ ಸಮಾದೇಷ್ಟರಾದ ಡಾl ಮುರಲೀ ಮೋಹನ್ ಚೂಂತಾರು ಇವರ ಅಧ್ಯಕ್ಷತೆಯಲ್ಲಿ ನಡೆಯಿತು. ಘಟಕಾಧಿಕಾರಿ ರಮೇಶ್ ಇವರು ಪ್ರಾಸ್ತಾವಿಕವಾಗಿ ಗೃಹರಕ್ಷಕರ ಸಮವಸ್ತ್ರಗಳ ಬಗ್ಗೆ ಅಹವಾಲು ಸಲ್ಲಿಸಿದರು.
ಸಂದರ್ಭ ಗೃಹರಕ್ಷಕದಳದಲ್ಲಿ ಕಳೆದ 8 ವರ್ಷಗಳಿಂದ ನಿಷ್ಕಾಮ ಸೇವೆ ಸಲ್ಲಿಸುತ್ತಿರುವ ಫಕೀರಪ್ಪ ಮತ್ತು ಸಾವಿತ್ರಿ ಇವರನ್ನು ಗೌರವಿಸಲಾಯಿತು. 380ರೂ. ಕನಿಷ್ಠ ಗೌರವ ಧನಕ್ಕಾಗಿ ನಿಷ್ಕಾಮ, ನಿಸ್ವಾರ್ಥ ಸೇವೆ ಸಲ್ಲಿಸುವ ಗೃಹರಕ್ಷಕರನ್ನು ಜನರು ಹೆಚ್ಚು ಹೆಚ್ಚು ಗುರುತಿಸಿ ಗೌರವಿಸುವಂತಾಗಬೇಕು. ಪ್ರಾಮಾಣಿಕ ಕರ್ತವ್ಯ ಸಲ್ಲಿಸುವ ಗೃಹರಕ್ಷಕರು ಸಮಾಜದ ದೊಡ್ಡ ಆಸ್ತಿ ಎಂದು ಸನ್ಮಾನ ಕಾರ್ಯಕ್ರಮ ನೆರವೇರಿಸಿದ ಸಮಾದೇಷ್ಟರಾದ ಡಾl ಚೂಂತಾರು ಅಭಿಪ್ರಾಯ ಪಟ್ಟರು.

ಸುರತ್ಕಲ್ ಘಟಕದ 30 ಮಂದಿ ಗೃಹರಕ್ಷಕರು ಸಭೆಯಲ್ಲಿ ಭಾಗವಹಿಸಿದ್ದರು. ಹಿರಿಯ ಗೃಹರಕ್ಷಕರಾದ ಸುರೇಶ್, ಪರಿಯಪ್ಪ, ಹರಿಣಿ ಮುಂತಾದವರು ಉಪಸ್ಥಿತರಿದ್ದರು.

Pages