ಮಂಗಳೂರು: ಕನ್ನಡ ನಾಡು ಒಂದು
ಸಮ್ಮಿಶ್ರ ಸಂಸ್ಕೃತಿಯ ತಾಣವಾಗಿದ್ದು ಕನ್ನಡಿಗರಲ್ಲಿ ಭಾಷಾ ಮಡಿವಂತಿಕೆ ಇಲ್ಲ.
ಶಿಕ್ಷಣ, ಉದ್ಯೋಗ, ವ್ಯಾಪಾರ ಹೀಗೆ
ಬೇರೆ ಬೇರೆ ಕಾರಣಗಳಿಂದ ಎಲ್ಲಾ
ಪ್ರದೇಶದ, ಎಲ್ಲಾ ಭಾಷೆಯ ಜನ
ಇಲ್ಲಿ ನೆಲೆಸಿದ್ದಾರೆ ಎಂದು ಕರ್ನಾಟಕ ಜಾನಪದ ಮತ್ತು ಯಕ್ಷಗಾನ
ಅಕಾಡೆಮಿ ಹಾಗೂ ಕರ್ನಾಟಕ ತುಳು
ಸಾಹಿತ್ಯ ಅಕಾಡೆಮಿ ಮಾಜಿ ಸದಸ್ಯ
ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ
ಅವರು ಅಭಿಪ್ರಾಯ ವ್ಯಕ್ತಪಡಿಸಿದರು.
ಅವರು ಸಹ್ಯಾದ್ರಿ
ಕಾಲೇಜ್ ಆಫ್ ಎಂಜಿನಿಯರಿಂಗ್ ಆ್ಯಂಡ್
ಮ್ಯಾನೇಜ್ಮೆಂಟ್ ವತಿಯಿಂದ ಅಡ್ಯಾರಿನ ಸಹ್ಯಾದ್ರಿ
ಕಾಲೇಜಿನಲ್ಲಿ ಕನ್ನಡ ರಾಜ್ಯೋತ್ಸವ ಸಲುವಾಗಿ
ನಡೆದ 'ಸಿಂಚನ-2018' ಸಾಂಸ್ಕೃತಿಕ ಸಂಭ್ರಮವನ್ನು ಉದ್ಘಾಟಿಸಿ ಮಾತನಾಡಿದರು. ಇಂದಿನ ಶಿಕ್ಷಣ ವ್ಯವಸ್ಥೆಯಲ್ಲಿ
ವಿದ್ಯಾಭ್ಯಾಸದ ಎಲ್ಲಾ ಹಂತಗಳಲ್ಲೂ ಇಂಗ್ಲಿಷ್
ಅನಿವಾರ್ಯ ವಾಗಿದೆ. ಆದರೆ ಶಾಲಾ
ಕಾಲೇಜುಗಳಲ್ಲಿ ನಡೆಯುವ ಪಠ್ಯೇತರ ಚಟುವಟಿಕೆಗಳಲ್ಲಿ
ಕನಿಷ್ಠ ಕನ್ನಡ ನಾಡು-ನುಡಿಗೆ
ಸಂಬಂಧಿಸಿದ ಕಾರ್ಯಕ್ರಮಗಳನ್ನು ಆಯೋಜಿಸಿ ವಿದ್ಯಾರ್ಥಿ ಸಮುದಾಯದಲ್ಲಿ
ಕನ್ನಡ ಜಾಗೃತಿ ಮೂಡಿಸುವ ಅಗತ್ಯವಿದೆ
ಎಂದು ಹೇಳಿದರು.
ತುಳುನಾಡಿನ
ತಾಸೆವಾದ್ಯವನ್ನು ಬಾರಿಸುವ
ಮೂಲಕ ಭಾಸ್ಕರ ರೈ ಕುಕ್ಕುವಳ್ಳಿ
ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಭಂಡಾರಿ
ಫೌಂಡೇಶನ್‌ನ ಟ್ರಸ್ಟಿ ಜಗನ್ನಾಥ
ಚೌಟ ಅಧ್ಯಕ್ಷತೆ ವಹಿಸಿದ್ದರು. ಕಾಲೇಜಿನ ಪ್ರಾಂಶುಪಾಲ ಡಾ.ಶ್ರೀನಿವಾಸ ರಾವ್ ಕುಂಟೆ ಸ್ವಾಗತಿಸಿ,
ಪ್ರಸ್ತಾವನೆಗೈದರು. ಉಪ ಪ್ರಾಂಶುಪಾಲ ಪ್ರೊ.ಎಸ್.ಎಸ್.ಬಾಲಕೃಷ್ಣ
ವಂದಿಸಿದರು. ಕಲಾವಿಭಾಗದ ನವೀನ್ ಪಿಲಾರ್ ಮತ್ತು
ಸಂಕೇತ್ ಯು. ಕುಮಾರ್ ಉಪಸ್ಥಿತರಿದ್ದರು.
ಪ್ರಾಧ್ಯಾಪಕಿ ಅಕ್ಷಯ ಆರ್.ಶೆಟ್ಟಿ
ನಿರೂಪಿಸಿದರು.
