BUNTS NEWS, ಪುತ್ತೂರು: ಜನ್ಮ ಕ್ರಿಯೇಷನ್ಸ್ ಮೂಲಕ ಡಾ.ಹರ್ಷಕುಮಾರ
ರೈ ಮಾಡಾವು ನಿರ್ಮಾಣದ ದೇಶಭಕ್ತಿ ಆಧಾರಿತ ಹಿಂದಿ ಕಿರುಚಿತ್ರ “ಭಾರತ್ ಮಾತಾ ಕೀ ಜೈ” ಅಗಸ್ಟ್ 15ರ
ಸ್ವಾತಂತ್ರ್ಯ ದಿನದಂದು ನವದೆಹಲಿಯಲ್ಲಿ ಬಿಡುಗಡೆಗೊಳ್ಳಲಿದೆ.
ನಮ್ಮ ಹೆಮ್ಮೆಯ ಭಾರತ ದೇಶದಲ್ಲಿ ಹುಟ್ಟಿ ಬೆಳೆದು ಬಂದ ನಮಗೆ ಭಾರತಮಾತೆಗೆ ಎಲ್ಲಿಯಾದರೂ ಹಾನಿವುಂಟಾದಾಗ ನಮ್ಮಲ್ಲಿರುವ ಶಾಂತಿ, ಸಹನೆ ಹಾಗೂ ಪ್ರೀತಿ ಎಲ್ಲವೂ ಕ್ರಾಂತಿ ರೂಪ ತಳೆದು ಹೋರಾಟದ ಹಾದಿ ಹಿಡಿಯಲು ಹಿಂಜರಿಯುವುದಿಲ್ಲ ಎನ್ನುವುದೇ ಈ ಕಿರುಚಿತ್ರದ ಸಾರಾಂಶ.
ಚಿತ್ರದಲ್ಲಿ
ಮಾ.ಆಯುಷ್, ಕು.ಕಾರ್ತಿಕಾ ರೈ ಪ್ರದಾನ ಪಾತ್ರದಲ್ಲಿ ನಟಿಸಿರುವ ಈ ಕಿರುಚಿತ್ರದಲ್ಲಿ ಕಲಾವಿದರಾದ ನರೇಶ್
ಕುಲಾಲ್, ಶೋಭಿತ್ ಶೆಟ್ಟಿ, ಬಾಲಕೃಷ್ಣ, ಕೀರ್ತಿರಾಜ್ ಸೇರಿದಂತೆ ಹಲವಾರು ಮಂದಿ ಅಭಿನಯಿಸಿದ್ದಾರೆ.
ಮಂಗಳೂರಿನ ಸುತ್ತಮುತ್ತಲು ಚಿತ್ರೀಕರಣ ಮಾಡಿರುವ ದೇಶಾಭಿಮಾನದ ಈ ಕಿರುಚಿತ್ರ ಟ್ರೇಲರ್ ಈಗಾಗಲೇ ಬಿಡುಗಡೆಗೊಂಡಿದ್ದು
ಸಾಮಾಜಿಕ ಜಾಲತಾಣಗಳ ಮೂಲಕ ಸಾವಿರಾರು ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
