ಮಂಗಳೂರು: ಜಾಗತಿಕ ಬಂಟರ ಸಂಘಗಳ ಒಕ್ಕೂಟ ಮಂಗಳೂರು ಇದರ ಆಶ್ರಯದಲ್ಲಿ ಸಮಾಜ ಕಲ್ಯಾಣ ಯೋಜನೆಯ ಕಾರ್ಯಕ್ರಮ ಮತ್ತು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಿಗೆ ಗೌರವ ಸನ್ಮಾನ ಕಾರ್ಯಕ್ರಮವು ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಸಹಯೋಗದೊಂದಿಗೆ ಡಿಸೆಂಬರ್ 4 ರಂದು ಭಾನುವಾರ ಸಂಜೆ 4 ಗಂಟೆಗೆ ಮುಲ್ಕಿ ರಾಷ್ಟ್ರೀಯ ಹೆದ್ದಾರಿ ಬಳಿಯ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣದಲ್ಲಿ ನಡೆಯಲಿದೆ.
![](https://blogger.googleusercontent.com/img/b/R29vZ2xl/AVvXsEj33sAXlVJi5fUKPUHE9kXrMStWD9HT_5DHGDIi85vyi9eWHW1gk38Nkc-cscgiA34vUg0e-moGK97gclBxdU4MyqHYz1XI_O1bd318OaQ89x7vzTY9Oaqj9f3xqsn86LMiyVDr2KRZgJRx2wTL6_ZjA9g63Z6TJpi-5XJHEDWDN3xGdOf5wG71oSMVwg/s16000/IMG_20221128_164801.jpg)
![](https://blogger.googleusercontent.com/img/b/R29vZ2xl/AVvXsEiwOaPrrSQUPzhB9v4nqKl-qznq3X92JpjTGlqeadh_A9bzx5SzTmwTSu1dHO6G7-_IXy5pnP4cJnSH1kj-mcBDkPrS7IXC2ImQSpBYb59SdJCatez5efzcIouStm9B76N3q7GQjfxJv3U8BOIv_USweZh3hLyKqVg4ki2lWuzw8WVT7VwVCLzgzUNi1w/s16000/IMG_20221128_183055_copy_540x533.jpg)
![](https://blogger.googleusercontent.com/img/b/R29vZ2xl/AVvXsEhQswoTc-l3RCb-MubrJ7nYuntG2oeRTen2SIXrrj7Tkqyq49-SrBnB3UiBzZCE4zDko5Yp2J2Y-4_AvU5_AsTS6MzKb4-iejpURueUZ4CkddBqswFTRYO9rGfq5jFXB6b5H33qDMOtCxHFz7coGIZKcWApNb0gYTB1RRYBtQZABcisnPxI6el4myFQVQ/s16000/IMG_20220304_075445_copy_503x501.jpg)
![](https://blogger.googleusercontent.com/img/b/R29vZ2xl/AVvXsEgeDYuXVnm66g9m3XkHMEbWZweEhGI2OoxVbGWN1XNTp7gIXgYK7OelpvK2Rfe-XJhRvcbC63NkHN77JFrF3kCe6Y1hVmxlNpD8yc2w1KCsvCXOkWhNDumjfYcMPIwBXpWnZSUOnBqOaayKByFF47c69pVPrOagxbDH6cvfuTAcg6PRBjPdp7qaJ3wBPw/s16000/IMG_20221128_181357_copy_480x578.jpg)
![](https://blogger.googleusercontent.com/img/b/R29vZ2xl/AVvXsEiuB-Ss1oM8t8yytetlvwGNYCeSDYX3SG60_craT51NHMwRi1WvKfhH3ZwctkjP-Jvo-cT_TAFTMuFdwog_WHFtq3lMIUh-edmknh4mCSdFJTX1jX3a4zQQqxp5jLZCRyAcwnOs_yAv5JSniK7q7b59y7Re6o7VGCnC0HWLMTNBQVvSWz_bXcCnttqHrg/s16000/IMG_20221128_181429_copy_480x522.jpg)
![](https://blogger.googleusercontent.com/img/b/R29vZ2xl/AVvXsEgjthLa9jwAWmgt3XaelSp2VQTK7o0694-C7-z_B-gNm_uLU1Q0F_mHjAnOfDy4WwPaPtmQLLjNy_Nne-BFEvz00_HAoYi6DV_aTwQo4NbYNn7qjNoulUuNMOOHkLXmPUrnxF_r6eVMLfnTPbAqLgyzPIqJaRE49g45etuUtejqQo-kdW-emDIbVYtY5g/s16000/IMG_20221128_164801.jpg)
![](https://blogger.googleusercontent.com/img/b/R29vZ2xl/AVvXsEincwHzuJXGoLuesA9TnJXmL6G9ZnMINRohsVqW8KH9NstAhMgvAIWvnm_lsMoZ7f_t7lor_i0yYwitam2HZ2KQUWo-AqhvSw08JVSQktiAa9j-h_lh8E_HNNj8THn_HZLCkNRDypdBceOfyNUbYKNObFnCfB1PbQ2QJREBjpoiQxcNMKoNXHpQ5Fb8rg/s16000/IMG_20221128_164839.jpg)
![](https://blogger.googleusercontent.com/img/b/R29vZ2xl/AVvXsEj4cX-eoVFBTTAl4dN037adp7rlXS6qcyGYK3bKy75jcCUTEh2DhWO0L-384d1qd7jXOzsC3Y18iNG5rlb-x-p7CJqmyN7JVf6iwvn3iwZEGEQFOlKGjFIrcVcgOeOTyfZF0AlXR-_aE6ZGoNcEpRKtgpKSWJfUHtiHhomRAoemp07VslQAEfMxk6Yq5Q/s16000/IMG_20221128_165118.jpg)
![](https://blogger.googleusercontent.com/img/b/R29vZ2xl/AVvXsEgghmfIMB4RPY9WuJDXXHwf7sIBPXP7ha8hzUhx15srec7pDa-HYuLVlaRvuhD3NZBr3cEtPJu-hsQwjIay2Orj2rGYQAvux9hE6635OIWNRqv23neTO9xTCig7UeBFoI2BB7iv8bISwigBYcOmzOkLYQiwANzYH6Sg_A0066avtdsJpYrp00h99QiC2A/s16000/IMG_20221128_165217.jpg)
ಈ ಕಾರ್ಯಕ್ರಮದಲ್ಲಿ ಚಲನ ಚಿತ್ರ ನಿರ್ದೇಶಕ, ನಟ ರಿಷಬ್ ಶೆಟ್ಟಿ ಮತ್ತು ಕಾಂತಾರ ಚಿತ್ರ ತಂಡ ಭಾಗವಹಿಸಲಿದೆ. ಸಮಾರಂಭದಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರನ್ನು ಸನ್ಮಾನಿಸಲಾಗುವುದು. ಕಾರ್ಯಕ್ರಮವನ್ನು ಕನ್ಯಾನ ಸದಾಶಿವ ಶೆಟ್ಟಿ ಉದ್ಘಾಟಿಸಲಿದ್ದಾರೆ.
ಸಭೆಯ ಅಧ್ಯಕ್ಷತೆಯನ್ನು ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷರಾದ ಐಕಳ ಹರೀಶ ಶೆಟ್ಟಿ ವಹಿಸಲಿದ್ದಾರೆ. ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅರ್ಚಕರಾದ ಲಕ್ಷ್ಮೀ ನಾರಾಯಣ ಅಸ್ರಣ್ಣ ಆಶೀರ್ವಚನ ನೀಡಲಿದ್ದಾರೆ.
ಸಮಾರಂಭದಲ್ಲಿ ಸಮಾಜ ಕಲ್ಯಾಣ ಯೋಜನೆಯಡಿಯಲ್ಲಿ ಶಿಕ್ಷಣ, ಮದುವೆ, ಮನೆ ನಿರ್ಮಾಣ, ಕ್ರೀಡೆ, ವೈದ್ಯಕೀಯ ಮೊದಲಾದ ಫಲಾನುಭವಿಗಳಿಗೆ ಚೆಕ್ ಗಳನ್ನು ವಿತರಿಸಲಾಗುವುದು.
ಸಮಾರಂಭದಲ್ಲಿ ಒಕ್ಕೂಟದ ನಿರ್ದೇಶಕರಾದ ತೋನ್ಸೆ ಆನಂದ ಶೆಟ್ಟಿ, ಕೆ. ಪ್ರಕಾಶ್ ಶೆಟ್ಟಿ, ಶಶಿಧರ ಬಿ ಶೆಟ್ಟಿ ಬರೋಡ, ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಸ್ಥಾಪಕಾಧ್ಯಕ್ಷ ಪಟ್ಲ ಸತೀಶ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷ ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ, ಜತೆ ಕಾರ್ಯದರ್ಶಿ ಪ್ರವೀಣ್ ಭೋಜಶೆಟ್ಟಿ, ಸಿ. ಎ. ಸದಾಶಿವ ಶೆಟ್ಟಿ, ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ಉಪಸ್ಥಿತರಿರುವರು. ಸಭೆಯಲ್ಲಿ ಒಕ್ಕೂಟದ ನಿರ್ದೇಶಕರು, ಮಹಾ ಪೋಷಕರು, ಪೋಷಕರು, ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಘಟಕದ ಅಧ್ಯಕ್ಷರು, ಪದಾಧಿಕಾರಿಗಳು, ವಲಯ ಬಂಟರ ಸಂಘಗಳ ಅಧ್ಯಕ್ಷರು, ಪದಾಧಿಕಾರಿಗಳು ಭಾಗವಹಿಸಲಿದ್ದಾರೆ.
ಸಂಜೆ 3.30 ಕ್ಕೆ ಭಜನಾ ಸಂಕೀರ್ತನೆ ನಡೆಯಲಿದೆ. ಸಭಾ ಕಾರ್ಯಕ್ರಮದ ಬಳಿಕ ಪಾವಂಜೆ ಮೇಳದಿಂದ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನಡೆಯಲಿದೆ. ಸಾರ್ವಜನಿಕರಿಗೆ ಅನ್ನಸಂತರ್ಪಣೆಯೂ ನಡೆಯಲಿದೆ.