ಬಂಟ್ವಾಳ : ವಿಟ್ಲಪಡ್ನೂರು ಗ್ರಾಮದ ಕಡಂಬು ನಿವಾಸಿ ಕುರ್ನ್ಯ ಮನೆಯ ಯಜಮಾನರಾದ ಮೋನಪ್ಪ ಪೂಜಾರಿಯವರ ಕುಟುಂಬಕ್ಕೆ ಜಾಗತಿಕ ಬಂಟರ ಸಂಘಗಳ ಒಕ್ಕೂಟವು ಆರ್ಥಿಕ ಸಹಾಯ ಹಸ್ತದ ನೆರವು ನೀಡಿದೆ.
ಮನೆಯ ಯಜಮಾನರಾದ ಮೋನಪ್ಪ ಪೂಜಾರಿಯವರ ದೇಹದ ಒಂದು ಪಾರ್ಶ್ವದ ಸ್ವಾಧಿನತೆಯನ್ನು ಕಳೆದುಕೊಂಡು ಕಷ್ಟದಲ್ಲಿರುವಾಗಲೇ ಮಗನಾದ ಅಜಯಗೆ ಅಪಘಾತವಾಗಿ ನಡೆಯಲಾರದ ಸ್ಥಿತಿಯಲ್ಲಿದ್ದು ಈ ಕುಟುಂಬದ ಮನವಿಯ ಮೇರೆಗೆ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷರಾದ ಐಕಳ ಹರೀಶ್ ಶೆಟ್ಟಿಯವರು ಸಹಾಯ ಹಸ್ತದ ಚೆಕ್ ವಿತರಿಸಿದ್ದರು.
ಈ ಚೆಕ್ಕನ್ನು ಬಂಟರ ಸಂಘ, ಸಾಲೆತ್ತೂರು ವಲಯದ ಅಧ್ಯಕ್ಷರಾದ ದೇವಪ್ಪ ಶೇಖ ಪೀಲ್ಯಡ್ಕರವರು ಅವರ ಮನೆಗೆ ತೆರಳಿ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ಸಂಘದ ಉಪಾಧ್ಯಕ್ಷರಾದ ಅರವಿಂದ ರೈ ಮೂರ್ಜೆಬೆಟ್ಟು, ಜೊತೆ ಕಾರ್ಯದರ್ಶಿ ಅಮರೇಶ್ ಶೆಟ್ಟಿ ತಿರುವಾಜೆ, ವಿಟ್ಲಪಡ್ನೂರು ಗ್ರಾಮಪಂಚಾಯತಿಯ ಉಪಾಧ್ಯಕ್ಷರಾದ ನಾಗೇಶ್ ಶೆಟ್ಟಿ ಕೊಡಂಗಾಯಿ, ಮಾಜಿ ಅಧ್ಯಕ್ಷರಾದ ರವೀಶ್ ಶೆಟ್ಟಿ, ಕರ್ಕಳರವರು ಉಪಸ್ಥಿತರಿದ್ದರು.
