ಗುಜರಾತ್’ದ ತುಳು ಸಂಘ ಬರೋಡಾಡು ಸಂಭ್ರಮೊಡು ನಡತಿ ತುಳುವೆರ ಪೊಸ ವರ್ಷ ‘ಬಿಸು ಪರ್ಬ’

BUNTS NEWS NETWORK, VADODARA: ಗುಜರಾತುದ ತುಳು ಸಂಘ ಬರೋಡಾ ಮಹಿಳಾ ವಿಭಾಗದ ವತಿರ್ದು ತುಳುವೆರ ಪೊಸ ವರ್ಷ ‘ಬಿಸು ಪರ್ಬ’ ಸಂಭ್ರಮೊಡು ನಡತುಂಡು.

 ಎ.15ದ ಐತರ ವಡೋದರದ ತುಳು ಸಂಘ ಬರೋಡಾದ ಚಾವಡಿಡು ನಡತಿನ ಬಿಸು ಪರ್ಬ ಲೇಸುದ ಮುಖ್ಯ ಬಿನ್ನೆರಾದ್ ತುಳು ಕನ್ನಡ ಭಾಷೆದ ಲೇಖಕಿ ಮುಂಬಾಯಿ ವಿಶ್ವವಿದ್ಯಾನಿಲಯದ ಪ್ರೋ. ಡಾ. ಪೂರ್ಣಿಮಾ ರೈ ಭಾಗವಹಿಸದ್ ತುಳು ಪರ್ಬ ಬಿಸುತ ಮಹತ್ವದ, ತುಳುವೆರ ಪೊಸ ಪರ್ಬದ ಬಗೆಕ್ ಒಂಜತ್ ವಿಚಾರ ವ್ಯಕ್ತಪಡಿಸಾಯೆರ್. ಕಾರ್ಯಕ್ರಮದ ಗುರಿಕಾರ್ಮೆನು ಬರೋಡಾ ತುಳು ಸಂಘದ ಮಹಿಳಾ ವಿಭಾಗದ ಅಧ್ಯಕ್ಷೆ ಡಾ.ಶಾರ್ಮಿಳಾ ಜೈನ್ ವಹಿಸೊಂಡೆರ್.

ತುಳು ಸಂಘ ಬರೋಡಾದ ಸದಸ್ಯರೆರ್ದ್ ಭಜನಾ ಕಾರ್ಯಕ್ರಮ ನಡತುಂಡು. ಕಾರ್ಯಕ್ರಮಡು ತುಳುನಾಡು ಶೈಲಿದ ಭೋಜನದ ವ್ಯವಸ್ಥೆನು ಸಂಘಟಕೇರ್ ಮಲ್ಲತ್ತಿತೇರ್. ಕಾರ್ಯಕ್ರಮೋಡು ತುಳು ಸಂಘದ ಬರೋಡಾದ ಪ್ರಮುಖೆರ್, ಸದಸ್ಯೆರ್, ಗುಜರಾತುದ ತುಳುವೆರ್ ಇತ್ತೆರ್.